Get all 3 Charles Royal releases available on Bandcamp and save 20%.
Includes unlimited streaming via the free Bandcamp app, plus high-quality downloads of Ascension and other Stories: Songs by Charles Royal (2014), Tohu: Whakawhiti (2009), and Tohu: Mauriora (1998).
1. |
Tauranga Ika
05:16
|
|||
Tēnā, ka tuku atu tātou ki te tauranga
ko te ika hei hī mā tātou
Ko te mātauranga!
Hīa! Hīa! Hīa! Hīa! e
Tukua! Tukua! Tukua! Tukua! e
Kei runga i te wai tātou e rere ana
Kei runga i te kare tātou e tuku ana
Rokohanga atu he tauranga ika nui
Rokohanga atu mātauranga nunui.
Me whakawhiti tātou ki te moana
Me tuku atu tātou ki te tauranga
Kia kimihia nuitia he ika whenua
Me hī e tātou he ika mātauranga
Tinirau tini, Tinirau mano
Motutapu nui nō mai rā anō
Apiapi noa i te rau o kai
Nuinui noa i te mana o tai
Ko te pātai e mea ana
"ki hea tuku ai te kupenga?
Ki hea hao ai te rangatahi?"
Tēnā, kimihia te tauranga
Kei reira te mano o te ika
e pōrangirangi noa ana.
Kei runga i a tātou
te kupu e mea ana
"E hao rā e te rangatahi!"
|
||||
2. |
Kōkihi
04:26
|
|||
Haea ana te ngākau aue, patuki manawa
Ngaua ana te mamae mōu rā e te kāinga.
Nei rā he poroaki ki a koe e te whaea
Kua mārō rā te whakaaro he ara kia whāia.
Hī ana te ngākau mō te Ao me tōna nui
Rere ana te wairua ki Te Ao Whānui
Hei konei, hei konei rā e te Ao i mōhiotia
Nau mai rā, haere mai rā e te Ao i wawatatia aue.
Kōkihi, kōkihi, kōkihi
Hoea te waka
Kōkihi
Tukua te waka!
I tarāia he waka kia rere i te wai
I whānau he tangata kia whiti i ngā pae
Mā te rere noa iho e nui ai te Ao
Mā taku hinengaro te ika rā e hao.
Hei konei, hei konei rā e te Ao i mōhiotia
Nau mai rā, haere mai rā e te Ao i wawatatia aue.
Tākiri tū, tākiri roa, tākiri nui ki te moana uriuri
Tākiri tū, tākiri roa, tākiri nui ki te moana waiwai
He uru mataku nui, whakawehi, te uru o te hoe
Kia whitirere koe, whitirere ki te Ao, Ao Mārama.
|
||||
3. |
Te Korokoro o te Parata
04:49
|
|||
Kātahi te tangata rā ka mea iho
"Tēnā, ko tēnei, ā, ka hei tāna,
Tēnei anō taku utu ki a ia, haere."
Kātahi ka puta ki runga
o te tuanui o te whare tū ai.
Kei te kārangaranga
te tangata rā i te rangi.
Kei te whakatū hoki i te hau
kia haere mai i te ihu o te waka
kia hoki whakamuri.
Tika tonu atu ki
Te Korokoro o te parata.
(Te) Korokoro o te parata
Tānga manawa o te moana
Ringa kaha o aituā
(Te) Korokoro o te parata.
Hauata
Aituā
Wharanga
Aituā
|
||||
4. |
Taunaha
03:29
|
|||
Tērā te rangi e tū ana i runga
He tū tuanui nō te whare o te Ao
Whare o te Ao, Te Ao Mārama
Tērā te whenua e hora ana ki raro
He hika papa nui nō te whare o te Ao
Whare o te Ao, Te Ao Mārama.
Ka hōkai ake waewae
Ka whana ai aku ringaringa
Pā taku tinana, ki a koe, e te whenua.
Tērā taku ipo, e tū ana ki mua
He taonga kahurangi nō tōku ngākau
Nō tōku ngākau, he tau aroha.
He maunga, he tihi
He mānia (he) kōawa
He wai karekare nō tōku ngākau
Nō tōku ngākau, he tau aroha.
Ka hōkai ake waewae
Ka whana ai aku ringaringa
Pā taku tinana, ki a koe, e te whenua.
Ka taunahatia koe e hine.
|
||||
5. |
Tupu
04:08
|
|||
Me hoki anō ki te takenga
Ki te ōrokohanganga mai
He kākano i te whenua
He kākano i te pō.
Te pū te weu te more
Te more te aka te rea.
Te rapunga te whāinga kukune
Pupuke hihiri me te
Mamae o te whare tangata
Tiwhatiwha te tau o te pō.
Namunamu te ara ki whaiao
Namunamu te ara mai i te pō.
Pihi ana he toronga tupu
Tupu ana rā, matika rā.
Kia puta he māhuri tupua
Kia puta he ara tangata.
Me tika rā te ua
Ko koe rā Tāneueha
Me tuturu toko i te rangi
He rākau, ko Tāne, tangata
E tupu e te tangata
Matika ki runga rā
Amohia te rangi ki runga
kia puta Te Ao Mārama.
Ao Mārama, Ao Mārama
E tupu e
E ara e
E tupu e
E ara e
|
||||
6. |
Nōu te ao
04:48
|
|||
E rere e taku manu rā runga i ngā maunga
Kia whitirere koe ki ngā taumata o te rangi
Tirohia mai rā, ko te ika a Māui
Ko te waka o Māui e tere atu nei.
Ngā maunga huahua, ngā maunga whakahī
Ngā wai karekare, ngā wai tuku kiri a te iwi.
Ngā taumata iringa kōrero
Ngā huanui haerenga tāngata
Te Waotapu nui o Tāne
Te māra nui o Rongomaraeroa.
Nōu rā te Ao, nōu rā te pō
Nōu rā te Ao, nōu rā te pō
He rā anō ka tika mai, he rā anō ka ara mai
He pō anō ka tomokia, he pō anō ka nohoia
He koa ka putaina, he riri ka rīria.
He ora ka whiwhia, he mate ka pēhia.
He uri koe nō te rangi
He uri ko nō te Ao.
E taea e koe ngā mea katoa
te rauhī, te whakakao.
Me tau ō waewae ki hea?
Me whirinaki koe ki te aha?
He uri koe nō te pō
He uri koe nō te Ao.
Nōu rā te Ao, nōu rā te pō
Nōu rā te Ao, nōu rā te pō
|
||||
7. |
Taranga (Instrumental)
03:21
|
Streaming and Download help
If you like Charles Royal, you may also like:
Bandcamp Daily your guide to the world of Bandcamp